"كلمات فولكينو "سلم بالعرض
[المقطع الأول]
عم لملم واجمع نجوم مبعترة، عليّا الزمن افترا
عم بحبسها برسمة تحررت حاولت تهرب من دفترا
مجروح ! هالوصف ترا ! بين ضحكة وحزن وشفترة
عم التقط حطب رطب من الدم وارميه بالمجمرة
لا علا وعسى حافظ ع شعلة أحلامي وآمالي شاعلة
القلب والعقل عم يعطو تنافر احكامن مختلفة ومتزاعلة
لك فرجيني هل من الممكن تتفادى مرارة الدمعة اللي نازلة؟
مشاعر باطلة .. هلوسة قاتلة .. وردة مهداة لسافلة!
دورت وين المضمون، ف وقعت بين قوصين الظنون
غرقت تحت بير ملعون، عملت سوفت وير للكون
شهقت الزفير ضمّيت السكون، غيّرت المصير حررت السجون
عرفت شرّ الخير شو بكون، برد آب وشوّب كانون
شايل السلم بالعرض، حتّى استمتع بالعرض
لا بقى تحلف بالعرض، ما بصدقك حتى لو تبلع الأرض
زمن : يا باطل .. انقرض !
ما لقى بنك للأصل لحتّى يحتال ويسحب قرض!
الإيد اللي انمدتلو قرض!

[اللازمة}
(كما تدين تدان ... (كما تدين تدان
لو كان في عدل بالدنيا ما عملو كفتين للميزان
(سلّم بالعرض مشيان ... (سلّم بالعرض مشيان
مجتمع أكذب من فلم هندي كلّو آخد فيها دور شاروك خان
(كما تدين تدان ... (كما تدين تدان
من حجّة مكر لضجّة ذعر لرجّة فكر لبهجة عهر
(سلّم بالعرض مشيان ... (سلّم بالعرض مشيان
من غصّة دهر لغزّة غدر لكزّة قهر لعصّة قبر
[المقطع الثاني]
حبذا لو أنّ كوكب الأرض قد فنى من كل زمان وكل مكان
اختفى في العدم واقتلع من كل مجرّة وكل الأكوان
سقط سهواً في أحد الثقوب السوداء فناه الفضاء
صدمه نيزك دمره عن بكرة أبا ما احتواه من غباء
عمتم مساءً .. عم تم متسائل .. عن كم المسائل السائت
عادي من كيسي .. عادم ابليسي .. عادة تعيسة وتلاشت
خاطر عبالي .. خاطر بحالي .. خاطب الغوالي بجملة
بعمرك ما تعطي قيمة للي نفسو أدنى من رجل النملة
مافي أحلى من صفاء الأذهان باعتبارو صفاء القلوب أوهام.. كذب
جوّي لفّ و روقان .. ما بتواتيني جماعة اللّف والدوران .. وجب؟
مصاب بشدّة فرط ادمان موسيقي حاد مستعصي روحي .. السبب
عشت بالمكان الغلط بالزمان الغلط بجوّ مزوّد بأعلى شحنات الغضب
خلص .. ما بقى فينا دم لحتى يتصفّى
كلامي لخنازير الصراع صفّى
بالنقص قصّتك محبوكة .. بتغصّ سردتك مفكوكة
نسّ ..أقوالك مشكوكة .. أي كس أمّك منيوكة

[اللازمة}
(كما تدين تدان ... (كما تدين تدان
لو كان في عدل بالدنيا ما عملو كفتين للميزان
(سلّم بالعرض مشيان ... (سلّم بالعرض مشيان
مجتمع أكذب من فلم هندي كلّو آخد فيها دور شاروك خان
(كما تدين تدان ... (كما تدين تدان
من حجّة مكر لضجّة ذعر لرجّة فكر لبهجة عهر
(سلّم بالعرض مشيان ... (سلّم بالعرض مشيان
من غصّة دهر لغزّة غدر لكزّة قهر لعصّة قبر
[المقطع الثالث]
الخوف علّة وقت تشوف ظلّي .. كسوف كلّي
عايش بالظلال مستأصل غضروف الملّة
بتكفيني القلّة .. فيك مسلّة .. بتزني فيك زلّة بجافيك غلّي
اخشع لهرائك ل اللاشيئ فيك تصلّي
ذنبي اني صوت المنطق في بلاد العقول الساذجة
صدّق مو مشكلتي إذا عقلك تالف ضعيف المعالجة
تعدّيت العادات اللي اعتدت عالدعوى اللي رفعتا بمحكمة الدنيا اللي حكمت عليي بالظلم فصارت كلماتي عن التقاليد والقانون خارجة!
لا تعملي ابن شارع.. شبريّة وبلطة بياخد بالعبطى
ناموسك ناموس ضابطيّة فسفوس دولة جلموق سلطة
اجا حكا دين دعا دعوتين طلع اللعين شغل دواوين
مو بس بوجهين ! عملاق قرنين ! ببيع أمّو بسيكارة وحبّتين
ليش بلعت ريقك؟ جسمك متل الشوك أشعر؟
لا تسأل مجرب ولا تسأل حكيم .. اسأل أزعر
بين أصيل موجّب زكرت .. وللا هزيل ملعّب وقط!
على حبالي الصوتيّة عمّ بنشر غسيل شعب منحط

[اللازمة}
(كما تدين تدان ... (كما تدين تدان
لو كان في عدل بالدنيا ما عملو كفتين للميزان
(سلّم بالعرض مشيان ... (سلّم بالعرض مشيان
مجتمع أكذب من فلم هندي كلّو آخد فيها دور شاروك خان
(كما تدين تدان ... (كما تدين تدان
من حجّة مكر لضجّة ذعر لرجّة فكر لبهجة عهر
(سلّم بالعرض مشيان ... (سلّم بالعرض مشيان
من غصّة دهر لغزّة غدر لكزّة قهر لعصّة قبر