["كلمات زوفري "خواطر]

[المقطع الوحيد]
ذيوبة تضاوي ما توخر ما تقدم
الخوف مزدم و القلب مردم
الخوف صنع بيني و بينك كلمة خاضع
خارج مالزنقة بحديدو بالرجلة راجع
تبكي الحبيبة كي تشوفو في الهم يضاجع
تبكي الحبيبة كي تعرف لي قلبو واجع
ماهو راضع كي العلوش حليبو نعاجي
زوفري ماضي كالدرويش و الدوعاجي
نكتب رواية بين حباري ...
نضرب الغة خير ما تضربلي ايماجي
نقعد مخضرم ماني فاهم حد من كاجي
ماني فارز والو بين كلامي و عاجي
زوفري مخرج نابو كي الكلب في زريبة
مادامو يعيش في الزردةة في بلاد عريبة
مادامو بايع و البيوع عندو رطالو
مادام لي سرقو ڨلبو شرفاء ليومة صارو
في بلاد .. يشكب على شيخ المدينة
تي كلامكم باطل كي قلتو المحبة متينة
تي قرض لسانو خاطر كلمة حق رزينة
كي بصو لزرق خلى ريحة عالعوينة
شاد نفس و هو يكتب على اوتارو
جاه النوم و ڨلو لا مازال مشوارو
مازال حديثو مازال اليل مصبح
شمس الليل فقلب الورقة و هو مشبح
طاغي ما يسبح زوالي راكع
راكع لآلرب وإلا ل من زمانو راكع
الروح تشلت بدنو كي الماكينة معمر
انزل عل فلسة بالخشب و يحب يعبر
هرب مفتاحك لنا المخ في حكة مصبر
هز الفاليجة لنا تشي غيفارا ينبر
البك يتربص و الورد يلكع ب شوكو
اذاكا علاش مازال عايش و ناسي حقوقو
نكتب خوطر نكتب جراح خريفي
نكمي فالظلمة طريفك ماهو طريفي
نصطاد الكلمة كيف تنسى واقع الشبلة
نغزر لالمشرق كيف نسهى على طريق الڨبلة
نكره الحكمة قداش من حكمة تتحرف
نكره الاصول خاطر حاضرنا ما يشرف
الجد يخرف و الصابة تجري في وادها
خلوها تنزف بلي بالك احنا ولادها
نكتب خواطر في خاطر لي نشوفو نڨولو
نكتب خواطر في خاطر لي عام في بولو
نكتب لالزلمي و الي غرو عبارو بشقفة
نرفع صبيع جامي ندخل تحت سقفه
في وقت الوقفة تتقابل رجال و مڨارن
في باب الخاتمة تتخلط كبد و مصارن
في السوق الكحلة تتلعب رواند سودة
جيبو ل الكمبة و الكبوس عندي هبوطه
انر الطريق هناك من سبقت خطاه خطاك
من املى رؤاه على رؤايا
هناك من نشر الكلام على سجيته
ليعبر في الحكاية او يضيئ لمن سياتي من بعده
اثرا غنائيا و جلسة