[اللازمة]
يشُوفو فيك سهّارة، يشُوف فيك مِضْرارة، في ڤلْبك أمارة، و العيون حيارا
يشُوفو فيك سهّارة، يشُوف فيك مِضْرارة، فريسة بين الذيوبة، دبوزة بين سكارا

[المقطع الأول]
يشوفو فيك بين طواول بين يدين الزوفري
يشوفو فيك فرحانة و إنتي قلبك يزوفري
يشوفو فيك سكرانة مغرومة بشربان الكاس
يشوفو في قلبك مات مهما حكات علينا الناس
يشوفو فيك دينيتك و دينك كان الدينار
يشوفو فيك بيعة و شرية بين يدين السهار
يشوفو فيك لعبة بين طواول دار فيها قمار
القلب كلو أسرار و الضحكة فيها المرار
يشوفو فيك بين السكارى تعشق ظلام الليل
دمعة من عينيك تسيل كل ما تسمع مواويل
يشوفو فيك حقارة و يشوفو في قلبك ذليل
شجرة بين الأرياح من اليمين لليسار تميل
يشوفو فيك مع مولى البيام و الليموزين
يشوفو فيك زاهية و من داخل قلب حزين
يشوفو فيك كي الموجة الريح يهزك و يديك
نشوف فيك مسكينة يا بنية ربي يهديك

[اللازمة]
يشُوفو فيك سهّارة، يشُوف فيك مِضْرارة، في ڤلْبك أمارة، و العيون حيارا
يشُوفو فيك سهّارة، يشُوف فيك مِضْرارة، فريسة بين الذيوبة، دبوزة بين سكارا
[المقطع الثاني]
يشوفو فيك مروحة مع اول سردوك يصيح
يشوفو فيك سكرانة بين يدين خايفة لا تطيح
يشوفو فيك ماتيرياليست مع الأرياح تميح
يشوفو فيك بنية قونة بنية تصبيح
يشوفو فيك راضية و إنتي قلبك عمرو ما رضى
يشوفو فيك ناسية و إنتي عمرك ما نسيت اللي مضى
يشوفو فيك وحدانية ما غير لا دار و لا أمالي
اللي يشوفك يقول أنا نعمل اللي يحلالي
يشوفو فيك في الحاضر ما شافوشي ماضيك
ما شافوكش مستقبل شافو كان يباتو بيك
ما شافوش اللي غرو بيك يشوفو فيك مغرورة
كورة بين ذكورة في قلبك مقهورة
يشوفو فيك ليلة تعدي و فراقها صباح
يشوفو مرتاحة و بالك عمرو ما إرتاح
يشوفو فيك بنت الملاهي و العمر يمر
يشوفو فيك حلوة و الحلو يخلف المر
شبابك متعدي بيك مع المتهني ما لقيتش هنا
لقيت كان اللي لعبو بيك حزينة بين يدين اللي شرا
نوار مخلف الشوك جريحة شكون اللي يداويك
كذبو كي قالو حبوك لقيت كان اللي لعبو بيك

[اللازمة]
يشُوفو فيك سهّارة، يشُوف فيك مِضْرارة، في ڤلْبك أمارة، و العيون حيارا
يشُوفو فيك سهّارة، يشُوف فيك مِضْرارة، فريسة بين الذيوبة، دبوزة بين سكارا