[اللازمة]
تونس بي نايت
حمامات بي نايت
سوسة بي نايت
جربة بي نايت
هذي تونسنا في الليل
هذي شوارعنا في الضلام
تشوف فيها برشة حكايات
و تشوف فيها برشة أفلام

[المقطع الأول]
عيشة الليل عيشة أخرى تقول تعيش في عالم اخر
فيها الزوالي والمتيسر المسلم و الكافر
تشوف كرهبة السهار راكبة معاه بنت الليل
تشوف اللي خارج يخدم تشوف المتشرد والقليل
تشوف البيران تملى وتفرغ نسا ورجال
تشوف نسا ماهمش نسا, ورجال ماهمش رجال
تشوف ضارب و مضروب وتشوف شقوفات مكسرة
تشوف اللي راقد تحت الحيط واللي أحوالو متيسرة
تشوف لاي فام دو ميناج وتشوف الزبال
تشوف اللي يخدم في الحرام واللي يخدم في الحلال
تشوف اللي راقد في المحطة هربت بيه اخر كار
يخدم في ريستورن تعشى فيه اللي عندو المليار
تشوف الكافيار و تشوف نصب الكسكروتات
تشوف عركة على بنية تجبدو فيها سكاكين و لامات
تشوف اللي تصيح وتبكي ساكها مالمترو تنطر
تشوف الشبعان في المرسيدس وتشوف طالب ميت بالشر
[اللازمة]
تونس بي نايت
حمامات بي نايت
سوسة بي نايت
جربة بي نايت
هذي تونسنا في الليل
هذي شوارعنا في الضلام
تشوف فيها برشة حكايات
و تشوف فيها برشة أفلام

[المقطع الثاني]
شوف قدام الكبارية برشة كراهب و تاكسيات
رجال ترشق على الرقاصات خرجوا و خلاو الفليسات
تشوف بنات صغار خارجين مع إللي شعرو بالشيب
باعوا رواحهم عالفلوس قال الشنية الوقت صعيب
تشوف برشة فرق بين الناس كيف يذن الأذان
مع الفجر إللي سكران و إللي خارج للرحمان
إللي لم برشة ذنوب و إللي لم الحسنات
اللي لمد برشة فلوس و اللي خلا كارني الشيكات
تشوف مرا تمسح وتسيق خرجت تخدم على صغارها
تخدم في بواتا تمسح في ردان السهارى
تشوف طواول بالملاين فيها الفودكا غراي غوس
تشوف زنوس تشوف البنات بالعتو سيس دوز
تشوف الدوريات تدور تشوف السيفيل يدور
تشوف الشارع حضبة ملمومة بواحد مدغور
تشوف السهارى مروحين بالعينو بالفيس
اللي خارج يصلي واللي مروح سبيت كاليس
[اللازمة]
تونس بي نايت
حمامات بي نايت
سوسة بي نايت
جربة بي نايت
هذي تونسنا في الليل
هذي شوارعنا في الضلام
تشوف فيها برشة حكايات
و تشوف فيها برشة أفلام

[المقطع الثالث]
هذي تونسنا تونسنا تونسنا تونس باي نايت
هذي تونسنا تونس تونس باي نايت
هذي تونسنا تونسنا تونسنا بعد نص الليل
تشوف فيها إلي عرات أكثر ملي لابسة جيب طويل
تشوف فيها برشة ولاد جاو في الحرام
تشوف إللي لعبت بشرفها و إلي عرات قدام الكام
تشوف ترو د بيزو تشوف لي ماك بيزار
الزوالي ما يعيشش اليوم البوتات بالفستار
تشوف فيها جات سات مع برشة فلوس فما الفساد
تشوف عباد عندها الكابيتال متع البلاد
تشوف ولاد فلان قاعدين مع بنات فلان
حافظين التورة التورة ماهمش حافظين أية مل القران
تشوف بنات دي مينور بالروج اى لافر تقرا في الكولاج
ساهرين بين الكاليبسو و البريفيلاج
كاذبة على أمها مشية تحضر في دفوارات
تريفيز في البوات جوسكا كاتر هور دي مات
[اللازمة]
تونس بي نايت
حمامات بي نايت
سوسة بي نايت
جربة بي نايت
هذي تونسنا في الليل
هذي شوارعنا في الضلام
تشوف فيها برشة حكايات
و تشوف فيها برشة أفلام