[Paroles de Balti "Sokran | كلمات بلطي "سكران]

[اللازمة]
قلبي يبكي دم عليك و علينا يا بلادي يا بلادي
زرعوا فينا السم فيك و فينا يا بلادي يا بلادي
ولد بلاد اليوم تقسم موش بيدينا يبلادي يبلادي
وينو صغيرك اللي حلم بين يدينا يبلادي يبلادي

[مقطع واحد]
اليوم نحب نبكي متوحش لميمة
تي تفيه عل عالم جملا ما عندوشي قيمة
اليوم سكرت برشا القهر ملالي كاسي
سامحني ربي الوقت هزلي أغلى ناسي
و الله ماني ناسي الفقر و الحومة
سيدي حسين في قلبي ظلمتها لحكومة
برشا قهرة في قلبي برشا حكايات في بالي
كان نخرج اللي في قلبي لحبار يوفالي
بلادي بلاد نفاق لازمك بوجهين
دبوزة ماء فرق أعمي برشا عينين
الأصحاب و الخوات برشا وجوه كذابة
أش خلاني كل يوم نسكر و نشوف الدنيا ضبابة
ما تصحنيشي صاحبي الوضع ما يفرحشي
تي لكلها تحشي فيه تفرح كي تهزني نعشي
تونس مع الواقف لا ثورة لا والو
الزوالي ديما اللوطا طيحولو سروالو
بلادي بلاد الكذب الكذاب يطحنولو
أما اللي يمشي رجلة يا طحانة تاقفلولو
كرهت هالبلاد بدل الجنسية
كرهت اللي دايرين بيا كرهت البوليسية
أمي خلاتلي وصية عيش راجل موت راجل
سامحني أمي عصيتك ما يحبوش الراجل
يحبوك ذليل يحبوك اللوطة
عايشين في سفيل و يدينا مربوطة
ولاد لحوم مورطة مل وضع و مل قهر
كذابة شدت لكراسي لكولها تحب توهر
ما يحبوكش انتي يحبو لكراسي
معلبالهم بأمك تبكي و الجارة تواسي
تونس بلاد سراق تي الحاكم موش حاكمنا
الحاكم اللي يحمي فيك اغتصبنا و شتمنا
كليلة و دمنة الشعب و الحكومة
أش خلا ولاد لحوم غرقت على جالك يا روما
تونس بلاد تجارة دين و دعارة
الترم و قلة لخدم كثرت كان الطفارة
تونس بالتوالي الى وارا وارا
زيدو مصو من دم الزوالي يا كبارة
سميتوها ثورة كذبة و صدقتوها
بقرة و تربجتو بها ثور على اسم بوها
حرية تعبير ما توكلشي القوت
غلي في المعيشة و خلي الشعب يموت
بقرة و حلبتوها و زدتو في سوم الحليب
مل فقر و القهر ولاد الحومة ورا الحديد
تونس مرضتوها راعي الجمهورية طبيب
تونس مشدودة بسيف عريانة في سليب
غرقنا في المطر غرقو في قطر
بلادي في خطر مرض بطالة و شر
بلادي بلاد بطالة مشتاقة للحيرة
بلادي سيدا و جرب بلادي بلاد كوليرا
ثورة الياسمين خلات وراها الزبلة
كفار و مسلمين يتعاركو عل قبلة
غنوشي ولا الزين تونس من شكون حبلة
حكمونا مساجين يديهم مكبلة
تتعراكو عل كريسي نتعاركو علقمة
قسمتونا في زوز زرعتو فينا النقمة
اشكون ضد شكون اشكون مع الشكون
حكوما تبيع في السم و الشعب اسبون
ظحكت فل كراسي و الشعب مزموم
ديبلوماي و ماتريزا جناو الزيتون
شديتو الكراسي مل قعدة ظهرك قوس
أقرى حساب الطيحة مع الوقت اللوح يسوس
ولاد الحومة تكمي ولاد الحومة ادوز
لقاو البيبان مسكرة ملقاوش باب يزوز
كثر الفساد كبرت المأساة
زعمة بلادي بلاد دعوة ولا بلاد جهاد
منقبات......عاريات
جوامع تملات تملات كباريات
سلفيين.....علمانين
انت شكونك مل كفار و الا مل مسلمين
نهضة ولا تجمع الكلها في الصورة تلمع
في الفلوس تجمع و الزوالي مدمع
البلاد باش تتشمع محطوطة للبيع
النوار ذبل و سميتوه ربيع
الطاغي مطاع و العبيد مطيع
أحنا اللي ضعنا و الا ولادنا اللي باش تضيع
الخبزة غلات غلات علي خبزها
ايجا أهبط للحومة و نحي الكوستيم اللي لابسها
ولاد الحومة تذلت تلوج عل عزز
الكاريطة وقفت تلوج ع الدز
صورتو لكواخ و سكنتو لقصور
تي الشعب بين لقبور يستنى في اللي يزور
رميتونا الورد شعب يفلي مع القرد
هانا نجريو عل الخبز كلانا الجوع و البرد
ايجا شوف الحومة الوجوه مهمومة
الحمامة اللي انتخبوها طلعتلهم بومة
اليوم نحب نبكي متوحش لميمة
ديكونكتي عل عالم ماعنتوشي قيمة
اليوم سكرت برشا و فقت مثملا
تي تفيه علعالم جملا
[اللازمة]
قلبي يبكي دم عليك و علينا يا بلادي يا بلادي
زرعوا فينا السم فيك و فينا يا بلادي يا بلادي
ولد بلاد اليوم تقسم موش بيدينا يبلادي يبلادي
وينو صغيرك اللي حلم بين يدينا يبلادي يبلادي