[Verse 1]
As I wis walkin, oh, a-my-lane
I spied twa corbies, thay war makkin mane
And ane untae the ither did say-o
“Far will we gang, will we dine the day-o
Far will we gang, will we dine the day?”

[Verse 2]
“It's in ahint o yon auld fell dyke
I wot thare lies, oh, a new-slain knight
Naebody kens that he lies thare-o
But his hawk, his hound and his lady fair-o
His hawk, his hound and his lady fair.”

[Verse 3]
“His hawk is tae the huntin gaen
His hound tae bring aw the wildfowl hame
His lady's taen anither mate-o
So we can mak o wir dinner sweet-o
So we can mak o wir dinner sweet.”

[Verse 4]
“It's ye'll sit on his white hause-banе
And I'll pick oot his bonnie blue een
Wi a lock o his gowden hair-o
Wе'll thack oor nest fan it growes bare-o
We'll thack oor nest, oh, fan it growes bare.”
[Verse 5]
Thare's mony's an ane, ah, for him maks mane
But naebody kens, ah, far he has gaen
Ower his bare bones as thay lie bare-o
The wind will blaw, aye, for evermair-o
The wind will blaw, aye, for evermair