[Chorus]
Come aw ye tramps and hawker lads
And gaitherers o blaw
That tramps this country roon' and roon'
Come listen ane and aw
I'll tell tae ye a rovin tale
On sichts that I hae seen
Far up intae the snowy north
And south by Gretna Green

[Verse 1]
I've seen the high Ben Nevis
A-towerin tae the moon
I've been by Crieff and Callander
And roon' by bonnie Doon
And by the Nethy's silvery tide
And places ill tae ken
Far up intae the stormy north
Lies Urquhart's fairy glen

[Chorus]
Come aw ye tramps and hawker lads
And gaitherers o blaw
That tramps this country roon' and roon'
Come listen ane and aw
I'll tell tae ye a rovin tale
On sichts that I hae seen
Far up intae the snowy north
And south by Gretna Green
[Verse 2]
Oft hae I laucht untae maself
When trudgin on the road
Wi a bag o blaw upon ma back
Ma face as broun's a toad
Wi lumps o cake and tattie scones
And cheese and braxie ham
Nae thinkin where I'm comin fae
Or where I'm goin tae gang

[Verse 3]
I'm happy in the summertime
Beneath the bricht blue sky
Nae thinkin in the mornin
At nicht where I've to lie
Barns or byres or onywhere
Or oot among the hay
And if the weather does permit
I'm happy every day

[Chorus]
Come aw ye tramps and hawker lads
And gaitherers o blaw
That tramps this country roon' and roon'
Come listen ane and aw
I'll tell tae ye a rovin tale
On sichts that I hae seen
Far up intae the snowy north
And south by Gretna Green
[Verse 4]
I've done my share o lumpin
Wi the dockers on the Clyde
I've helped the Buckie trawlers
Pou the herrin ower the side
I've helped tae build the mighty bridge
That spans the Firth o Forth
And wi mony an Angus fermer's rig
I've plowed the bonnie earth

[Verse 5]
Loch Katrine and Loch Lomond
Have aw been kent by me
The Dee, the Don, the Deveron
That rushes tae the sea
Dunrobin Castle by the way
I nearly had forgot
And aye, the rickle o cairn marks
At the house o John o Groat

[Chorus]
Come aw ye tramps and hawker lads
And gaitherers o blaw
That tramps this country roon' and roon'
Come listen ane and aw
I'll tell tae ye a rovin tale
On sichts that I hae seen
Far up intae the snowy north
And south by Gretna Green
[Verse 6]
I'm often roon' by Gallawa
Or doun aboot Stranraer
My business leads me onywhere
I travel near and far
I've got a rovin notion
Thare's nothin' that I loss
And aw the days my daily fare
And what'll pay my doss

[Verse 7]
I think I'll go tae Paddy's land
I'm makkin up ma mind
For Scotland's greatly altered now
I canna raise the wind
But I will trust in Providence
If Providence proves true
And I will sing o Erin's isle
E'er I get back tae you

[Chorus]
So, come aw ye tramps and hawker lads
And gaitherers o blaw
That tramps this country roon' and roon'
Come listen ane and aw
I'll tell tae ye a rovin tale
On sichts that I hae seen
Far up intae the snowy north
And south by Gretna Green