[Verse 1]
At Mill o Tifty there lived a man
In the neighbourhood o Fyvie
And he had a lovely daughter dear
Whase name was bonnie Annie

[Verse 2]
Lord Fyvie had a trumpeter
By the name o Andrew Lammie
And he had the airt tae win the hert
O Mill o Tifty's Annie

[Verse 3]
Lord Fyvie he cam tae the mill
Whaur lived bonnie Annie
His trumpeter rade him before
Even the same Andrеw Lammie

[Verse 4]
Her mither criеd her tae the door
Sayin, "Come here tae me, my Annie
Did e'er ye see a bonnier man
Than the trumpeter o Fyvie?"

[Verse 5]
Nothin she said, but sighin so
Alas for bonnie Annie
She darena own, her hert was won
By the servant Andrew Lammie
[Verse 6]
That night as aw gaed tae their beds
Aw sleepit soond but Annie
Love so repressed, her tender breast
Thinkin on Andrew Lammie

[Verse 7]
"The first time my love and I met
Was in the woods o Fyvie
He called me mistress, I said no
I was Tifty's bonnie Annie."

[Verse 8]
Her faither cam tae hear o this
And a letter wrote tae Fyvie
Tae say his dochter was bewitched
By the trumpeter o Fyvie

[Verse 9]
Lord Fyvie he cam tae the mill
Sayin, "What ails ye, bonnie Annie?"
"Oh, it's aw for love that I'm cast doun
For the love of Andrew Lammie."

[Verse 10]
"Oh Tifty, Tifty, gie consent
And let yer dochter mairy,"
"Na, it'll be tae ane o a higher degree
Than the servant Andrew Lammie."
[Verse 11]
"If she'd been born o as rich o kin
As she is rich in beauty
I wad hae taen the lass mysel
And made her my ain lady."

[Verse 12]
"Oh. Fyvie's lands are far and wide
And they are wondrous bonnie
But I wadna trade my ain dear love
No for aw your lands o Fyvie."

[Verse 12]
At this, her faither did her scorn
And likewise did her mither
Her sisters they did her disown
Oh, but wae's me for her brither

[Verse 12]
Her brither struck her wondrous sore
Wi cruel blows and mony
He's broke her back on the temple stane
Aw for likin Andrew Lammie

[Verse 13]
"Oh, faither, mither, sisters aw
Why sae cruel tae yer Annie?
My hert was broken first by love
Nou my brither's broke ma body
[Verse 14]
Oh mither, mither, mak my bed
And turn my head tae Fyvie
For it's there I'll lie and there I'll die
For the servant Andrew Lammie."