يمّا اسمحيلي
روميكس لاباز برود
يمّا اسمحيلي... مع خويا فيكس

[المقطع الأول]
يا مّا راني نفكّر ملّي تقوليلي اسمعْ
هاذاك الكلام لي راح ياولدي ما ينفع
قلتي آمن غير في ربّي كاين غير هو لي يشفع
بصّح ا ميمتي الواحد راه يحوّس غير يشبعْ
مام محقور بالكلمة راه ضد الحقرة
خاطر هذا ما بقالو معاهم ما تاكلش الرجلة
ياو ميّتْ ولاّ حيّ تقعد ديما الخزرة
نيّ ولاّ حيّ الدنيا تبقى مُرَّة
كلامك عاودتيهلي ياو شحال من مَرَّة
حتى في عقلي و قلبي راه خلاّلي مارَة
قلتيلي ما تّبعش هذاك لي راه يعمر في الشكارة
هذاك لي يخلصوه ديما ياو بكلمة حارة
خاطر المشكل ماشي مشكل حسد
المشكل : الراس و القلب فسد
منهم ما عندك ما تدّي منهم ما عندك ما تمد
و كي تجيب الصّح منهم ما عندك ما تشد
أنا تاني من فريستي راني نحوّس نْهَدْ
المزية في ربّي مازال راني نحمد
صابر بخزرة لولاد الصغار
مادابيهم على جالهم نحوسُو نطفُو النار
[اللازمة : فادا فيكس / نايلي]
يمّا اسمحيلي ولدك ما خرجش طبيب
ما خرج والو وراه فارغ الجيبْ
الشر راه يدّي و الخير ان شاء الله يجيب
بصّح ميمتي الله غالب ما قدرتش نولّي ذيب

[المقطع الثاني : فادا فيكس]
يمّا اسمحيلي ما خرجت لا طبيب لا ذيب
خرجت نتيري ، دخلت للدنيا كيما قلتي و علمتيني
ما عرفت الطريق لا ندّيها ولاّ تدّيني
الدنيا لا تبغيني علاه في الديماراج نفريني
يمّا قوليلي علاش بويا خدم حياته ما قدّش يشريلي
علاش ما لقيت برّا الشي لي كنتي تحكيلي
علاش خويا راح ما ولّى ؟ علاش راكي تبكي في الليل ؟ غير اسمحيلي
و ليام دارو ، ما بقى في الواد لا مَّا ما بقاو حجارو
خزرة الناس راهي غير المادة و الدورو
و رانا ندورو ، حتى الرجال في هاذ الوقت راهم يبورو
ها الرب العالي ! ما بغيت في عينيك أنا نكون التالي
ليك نمد لي عندي و تبقي تسالي
يمّا اسمحيلي ، يمّا قوليلي

[اللازمة : فادا فيكس / نايلي]

[المقطع الثالث : نايلي]
يا مّا اليوم المال راهم يْعَيْرُو بيه
يا مّا اليوم الفقر راهم يْعَايْرُو بيه
يا مّا ظالم المظلوم ما كاش لي يشكي بيه
يا مّا الضمير ها ما يسمعوش بيه
يا مّا علاه لي علمتيهلي ما لقيتوش برّا
قوليلي يا ميمتي يا قوليلي يا درا
و شحال من جيل لازم يروح خسارة
باه ترجع في وسطنا الخير و البركة
الزمان و الإنسان زاد غير يعواج
ما فهمتيني علاش مانيش نخمّم على الزواج
ما نيش حاب نبني ياو مبعّد نندم
قدّام عيني لي بنيتو نشوفو يتهدّم
خاطر السنين راهم يفوتو بالدموع و بالدم
و يا خسارة يتشابهو في الشر و في الهم
[اللازمة : فادا فيكس / نايلي]