[Illiam : المقطع الأول]
بمركبة الفضاء متجه إلى سديم
كل ما احكيلها انها شمال تحكيلي صف عاليمين
تحكيلي اني بخيل برميها بحجر كريم
قبل النوم بنشغل عدن واكيم
عاملة حالها نايمة عارف أنها صاحية
من وانا صغير هكر بخترق الضاحية
اجنبية مسكت ايدي بعرفش احكي انجليزي
C B E D رميت حروف عشوائية حكيت
بتتعبو هيلم وبتطيرو انتو بالونات
عرفتو الفن بالصدفة زواج صالونات
بضرب بكوريا وبأثر بالهند سطري
تونسي بنشهر بالمصري هند صبري
كيف خاوة بدي اصير انسمع
كيف بدخلي صوتي احلى شي بشع
حدا يحكي للطيار يفتح الشبابيك
نطيت من الشباك عشان انزل ترنزيت

[اللازمة]
العرس اليوم داخل ع البيت وانا مش كاتب كتابي
خريطة وشنتة وتذاكر ف الإيد المضيفة بتستناني
داخل ع الطيارة ونايم على السيت انا طاير ف مكاني
من الفضا للأرض نزلت ترزينت الراب بدو ياني

[Synaptik : المقطع الثاني]
راسي عاصفة, فوضى ودوارن
خدلك كم بار شمطان فقدان
تايكواندو فكرك كم دان ؟
كني رومان حاط العمدان
زي خمسة بايد بخيل بضلني ماسك
آسف. الكاس الثقيل. ليعبي راسك
ناسك والمعبد ال 808س
قد ما هو مضر, بحكو يا ريتو ايدز
طول عمري مدمن,ولكن ادماني, حولتو لهوس بالنجاح
ممكن اسطوري، تسبب تنهد للبسمع لكني مش مرتاح
مش عيسى لاضحي, مش مالكوم لاصحي بس بكتب لاعدل في وضعي الصحي
لعدي الثواني واتنفس من قبري الراب الحزام اللي ساندني ظهري
وهيك شكرا لكل حدا قدرالبيت
الشغل هاد كلوبس طالع من البيت
مش مصدق انا ايش البنيت
سينابتيك قريباً عموقع بانيت
الاصبع مرفوع لكل البكرهوني
دائم خضاري كئنو زيتونة
وخريفكو عالباب
عوو يا كلاب
[Illiam : المقطع الثالث]
ألف مبروك انتا بتتكرر متل حلمي
قديم متل رشدي كتير حسن حسني
عالجمهور برمي نفسي، عنديليب الدقي
والهام شاهين بحضني واسماعيل ياسين بغني
ماسك اللعبة فش تبديل شفت عقول زفت
المخ عميق احفر براسي بير نفط
لسه ما رفعنا كمامنا وفتحنا بابنا
تعال شوف الكون بالعكس احنا السما التامنة
بتغار ف بتولع نار ف انا بدخنك
رخيص مابتغلى حتى لو اسخنك
ف عالم عربي برتفع زي الضغط
مشاعر بتصحي زي الكبت بالضبط
بعدي دايماً في شغل زي السبت
معلق بمفتاحي سلسلة جبال الألب
حدا يحكي للطيار يفتح الشبابيك
نطيت من الشباك عشان نازل ترانزيت

[اللازمة]
العرس اليوم داخل ع البيت وانا مش كاتب كتابي
خريطة وشنتة وتذاكر ف الإيد المضيفة بتستناني
داخل ع الطيارة ونايم على السيت انا طاير ف مكاني
من الفضا للأرض نزلت ترزينت الراب بدو ياني
العرس اليوم داخل ع البيت وانا مش كاتب كتابي
خريطة وشنتة وتذاكر ف الإيد المضيفة بتستناني
داخل ع الطيارة ونايم على السيت انا طاير ف مكاني
من الفضا للأرض نزلت ترزينت الراب بدو ياني