[المقطع الأول : بوكلثوم]
بحف الناكلز بالحيط لما الضباع تسن نيابها
الناس عموماً بتسب الغير لما تكون بتكره حالها
الغصن الحامل بينرمى بحجار و ان لأ حامضه
عندو هدف عم يطالب يزيحوا الغول للعارضه
‎إن تفّيت عكتفك جاك الرزق
‎بعدها خلي الناس تترجاك لتعطيها الماكنيزم
‎ما كان لزم لا كان لزق درسك لغه قبل الفيزكس
‎زانوا النشح عم يأسسوا لعلم الميتابزر
‎الطز و مرحبا فرندز عالنت
‎ما هوه أهم شي الاخلاق و تكون بوليتكلي كوريكت
‎ دير بالك أوعى الحيا ما بينمحن صاحب الدين
‎طب ديري وجهك لأن فارد صفط بيض عوجه البيت
‎ما بلومكن الله يعينكن جواتكن ديڤاز
‎و الغول طفا عالوجه ليكسر مقاديفك
‎عم نحفر بالطين مشان ما تقول ما بنفّد
‎كسرولو الكيبورد قولولو الفيس ما بحبل

[اللازمة : جندي مجهول]
ما بتهمني الشخصيات غير عالبيتس ما بتف
ممكن عبي بحيط لكن عاليمين ما بصف
ألف سپليف بعين الحاسد غير عالسميك ما بلف
عالستريتس راح كب كوكتيل ناپالم خفيف ما بضر
ما بتهمني الشخصيات غير عالبيتس ما بتف
ممكن عبي بحيط لكن عاليمين ما بصف
ألف سپليف بعين الحاسد غير عالسميك ما بلف
عالستريتس راح كب كوكتيل ناپالم خفيف ما بضر
[المقطع الثاني : جندي مجهول]
بلش يتكاثر قال خايف عجيلو
الكلب أزعر بس يبدا يلعب بديلو غنيلو
ناطر ليحزن ليغير مديلو عبيلو
سطل الغرور من دهنو سقيلو سقيلو
بيشوف الصح نقاش أعمى
تدابحوا بين بعض مين القادر يقر بنتاج أعلى
طموحه عالي ليدق راسه بسقف الغرفه
بيكبر حمار قد ما أهله ندموا عهالتخلفه
طريق مفتوح فمافي داعي تلاقي مخرج
محدد حالو زتو بنزله ما بيتدحرج
بيقسى كرمال ما بصير اطرى
و انا لعبي عينك ما لح احتاج كون قطره
العلم بيأذي إن حطيته بايد هبله
ربيان يدق التحيه كل ما شاف بدله
و الديل بيضل اعوج قد ما تشد فيه ما بوصل
خزقوله الطبل قولوله اللعب ما بحبل